Pickford aingia klabu ya clean sheet 100 Premier League

- Imechapishwa

Jordan Pickford amekuwa golikipa wa 19 pekee kufikisha clean sheet 100 au zaidi katika Premier League.

Aliingia kwenye klabu hiyo baada ya Everton kutoka sare ya 0-0 ugenini dhidi ya Tottenham Jumamosi.

Ni golikipa mmoja tu aliyewahi kuvuka clean sheet 200 katika Premier League.

Petr Cech, mwenye 202, ndiye anaongoza kwa mbali katika orodha ya shut-outs za ligi hiyo, akishikilia tofauti ya clean sheet 33 zaidi ya mpinzani wake wa karibu David James.

Nyota huyo wa zamani wa kimataifa wa Czech Republic pia anashikilia rekodi ya Premier League ya asilimia kubwa zaidi ya clean sheet ukilinganisha na idadi ya mechi alizocheza, pamoja na clean sheet nyingi zaidi mfululizo.

Kipa huyo wa zamani wa Chelsea na Arsenal pia ndiye aliyefika kwa kasi zaidi kwenye clean sheet 100.

Kabla ya Pickford, golikipa wa mwisho kuingia kwenye klabu ya 100 alikuwa Alisson wa Liverpool, aliyefikisha clean sheet zake 100 za daraja la juu wakati wa sare ya 0-0 dhidi ya Leeds tarehe 1 Januari 2026.

Nick Pope wa Newcastle ndiye mchezaji anayefuata kwenye foleni ya kufikisha 100 Premier League, akiwa na clean sheet 80, lakini bado hajacheza msimu huu baada ya kupoteza nafasi yake ya kwanza kikosini kwa Lukas Hornicek.

Kipa wa zamani wa West Ham, Lukasz Fabianski, alikaribia kufika alama ya 100, lakini alikosa msimu wa 2025-26 kutokana na majeraha kabla ya kustaafu akiwa amefikisha clean sheet 92.

Makipa lazima wacheze mechi nzima ili wahesabiwe kupata clean sheet.

Ni makipa gani wamefikia clean sheet 100?

Petr Cech - 202 (Chelsea, Arsenal)

David James - 169 (Liverpool, Portsmouth, Aston Villa, Manchester City, West Ham)

Mark Schwarzer - 151 (Middlesbrough, Fulham, Chelsea, Leicester City)

David de Gea* - 147 (Manchester United)

David Seaman - 140 (Arsenal, Manchester City)

Nigel Martyn - 137 (Leeds United, Everton, Crystal Palace)

Pepe Reina - 136 (Liverpool)

Brad Friedel - 132 (Liverpool, Blackburn Rovers, Aston Villa, Tottenham)

Tim Howard - 132 (Everton, Manchester United)

Edwin van der Sar - 132 (Manchester United, Fulham)

Peter Schmeichel - 128 (Manchester United, Manchester City, Fulham)

Joe Hart - 127 (Manchester City, Birmingham City, West Ham, Burnley)

Hugo Lloris* - 127 (Tottenham Hotspur)

Ederson* - 122 (Manchester City)

Shay Given - 113 (Blackburn Rover, Newcastle United, Manchester City, Aston Villa)

Jussi Jaaskelainen - 108 (Bolton Wanderers, West Ham)

Thomas Sorensen - 107 (Aston Villa, Sunderland, Stoke City)

Alisson* - 104 (Liverpool)

Jordan Pickford* - 100 (Sunderland, Everton)

*inaashiria mchezaji ambaye bado anacheza soka la kulipwa.

Ni rekodi zipi nyingine za clean sheet zimewekwa?

Golikipa wa kwanza kufikisha clean sheet 100 Premier League:

Peter Schmeichel (1998)

Idadi ndogo zaidi ya mechi kufikisha clean sheet 100 Premier League:

Petr Cech (180)

Clean sheet nyingi zaidi mfululizo Premier League:

Edwin van der Sar (14)

Asilimia kubwa zaidi ya clean sheet Premier League ukilinganisha na mechi alizocheza:

Petr Cech (45.7%)

Clean sheet nyingi zaidi ndani ya msimu mmoja wa Premier League:

Petr Cech (24)

Makala haya ni ya hivi karibuni kutoka kwa timu ya BBC Sport ya Ask Me Anything.