Villa waanza mazungumzo ya Suzuki - Udaku wa Jumapili

- Imechapishwa

Aston Villa wako kwenye mazungumzo kuhusu Zion Suzuki, jambo linaloongeza matumaini ya Juventus kumsajili Emiliano Martinez, huku Arsenal wakiambiwa bei ya Victor Osimhen.

Aston Villa wako kwenye mazungumzo ya kumsajili kipa wa Japan Zion Suzuki kutoka Parma baada ya mpango wa mchezaji huyo mwenye umri wa miaka 23 kujiunga na Paris St-Germain kuvunjika. (Talksport), external

Nia ya Villa kwa Suzuki imeongeza matumaini ya Juventus kumsajili kipa wa Argentina Emiliano Martinez, 33, kutoka klabu hiyo ya Premier League. (Football Italia), external

Arsenal lazima watoe zaidi ya pauni milioni 60 ili kuwa na nafasi ya kumsajili mshambuliaji wa Nigeria Victor Osimhen, 27, kutoka Galatasaray msimu huu wa kiangazi. (Football Insider), external

Barcelona wanaamini ofa yao ya tatu ya euro milioni 70 (£59.8m) kwa Rodri itatosha kuishawishi Manchester City kumuuza kiungo huyo wa Hispania, 30. (AS - in Spanish), external

Manchester City wako kwenye mazungumzo ya kumsajili kiungo wa Morocco Ayyoub Bouaddi kutoka Lille, ambao wanataka angalau pauni milioni 85 kwa mchezaji huyo mwenye umri wa miaka 18. (Telegraph - subscription required), external

Newcastle wamefufua mazungumzo ya kumsajili Joao Palhinha wa Bayern Munich, 31, huku Aston Villa na Benfica nazo zikiwa na nia kwa kiungo huyo wa Ureno. (Mail), external

Inter Milan wana hamu ya kumuuza winga wa Brazil Luis Henrique, 24, ili kufadhili dili la kumsajili kiungo wa England wa Liverpool Curtis Jones, 25, ambaye anatarajiwa kugharimu takribani euro milioni 40 (£34m). (Corriere dello Sport - in Italian), external

Chelsea wanadai pauni milioni 60 kwa Nicolas Jackson, huku Aston Villa, Tottenham na Atletico Madrid zikiwa miongoni mwa klabu zinazomvizia mshambuliaji huyo wa Senegal, 25. (RMC Sport - in French), external

Mshambuliaji wa Chelsea wa England Liam Delap, 23, anataka kubaki Premier League licha ya kuvutiwa na Como, huku Newcastle na Everton zikifuatilia kwa karibu hali yake. (Talksport), external

Mshambuliaji wa Uholanzi Cody Gakpo, 27, ameweka wazi kwa Liverpool kwamba anataka kuondoka klabuni na kujiunga na Tottenham. (Teamtalk), external

Benfica wanamfuatilia beki wa England Tosin Adarabioyo, 28, ambaye ameshuka kwenye mpangilio wa chaguo la wachezaji wa Chelsea. (Caught Offside), external